www.shababgam3a.yoo7.com


    بعض المصطلحات اللتي نسمعها دائما

    شاطر
    avatar
    NO NAME
    مشرف
    مشرف

    ذكر
    عدد الرسائل : 810
    العمر : 27
    الموقع/shababgam3a.yoo7.com
    المزاج : الحمدلله
    تاريخ التسجيل : 17/10/2008

    default بعض المصطلحات اللتي نسمعها دائما

    مُساهمة من طرف NO NAME في الأربعاء سبتمبر 01, 2010 6:29 am

    هناك بعض الجمل اللتي مللنا من سماعها



    واليكم بعضها




    *اوعى خيالك المريض يهيالك انك ممكن تاخد منى فلوس تانى.






    * انتا مالك من ساعة ما دخلت البيت و انتا فرحان انتا جاي من انهي غرزة.






    *ذاكر ياموكوس مش فالح غير فى الهيافه والكلام الفاضى.






    * خلصي اكلك وناميلك شويه عشان تقومي تزاكريلك شويه.






    *ذاكر ساعتين بتركيز كأنك ذكرت اليوم كلو (الغريب اما تقعد تذاكر سعتين يقولو و هي دي مذكره).






    *يا ابني تعالي اقعد معانا ولا انت ماجر اوضه جوه البيت ......






    *ابقي نشف الحمام بعد ما تخرج منه.






    *يا خويا ياريتك حافظ الدروس اللى عندك زى ما انت حافظ الاغانى كده .






    *اعملى حسابك اول م الدراسه تيجى الرسيفر هيتشال هو


    والتليفزيون.






    *قبل الفجر: ارجع بات في المكان اللي انت جاي منه.






    * لو كانت اللي علي التليفون طنط سلوي قوليلها ماما نايمة .






    * ابقى قابلني بكرة تاخد بالجزمة وتاكل كل حاجة غصب عنك.






    *يابنى حرام عليك هات قناة الناس الشياطين ماليه البيت.






    * امشى جاتك مشش فى ركبك .






    * جتاها نيلة الى عايزة خلف تيجى تتفرج .






    * متحطيش الموبيل جنبك و انت نايمه هيجبلك تخلف عقلي .






    * متتأخرش وهات عيش وانت جاى .






    * هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .






    * كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.






    * هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).






    *أوعا حد يضحك عليك ويقولك جرب السيجارة دي.






    *ابقى ورينى مين حينفعك فى الاخر من شوية الصيع الى انت مشيلى وراهم .






    * مش ملاحقه علي التليفون ولا الموبيل عملالي فيها الست المهمه.






    *برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.






    * كريم دا عيل بايظ وماتمشيش معاه تاني .






    * مين منى دي انتى كل يوم تصاحبي واحدة جديدة ؟.






    * هياا الوزيرة معندهاش وزاره النهارده قومى يا حبيبتى الساعه10 .






    * قومي ساعدي امك ده اللي هيتجوزك أمه داعية عليه.






    * انا سايبالكوا البيت وماشية ومش حتشوفوا وشي تاني .






    * لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.






    * وانت فاكر احنا مستنيين منك حاجه .






    * انتا لو فلحت تبقي تيجى (احم احم ) متهيئلى معروفة على قبري .






    * ابقي قابلينى لو فلحتي ...بس ديما مش بيقلوانقابلهم فينّ!!! غربيه .






    * كفايه رغي في التليفونات .






    * اطفي التلفزيون وقوم ذاكر ولا و خش اوضتك .






    * بلاش تمشى حافى البس شبشب وانته داخل الحمام .






    *فلوسك بتروح فين يا هبله انتي بتصرفي على الصبيان؟؟.






    *مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة .






    * ماتتأخرش علشان عندك كلية بكرة بدرى.






    * هية : ياماما بقه ايه ده ؟؟؟


    ماما:مووو لمـا يــــــخدك .






    * ادلعى ياهبة فى ايامك المهببه .






    * هو انا الخدامه الى ابوكم جبهلكم .






    * الى يطلع من الاوضه يطفى النور وراه .






    *أبوك عندك أهو اتصرف معاه .






    * لو مش فاهم حاجه ارفع ايدك و قول للأستاذ مش فاهم .. متتكسفش .






    * يأبنى المذاكره مابتخلص .... نفسى اشوفك مره ماسك كتاب.






    * اعمل حسابك مش حندخلك جامعه خاصه.






    * قالب ليلك نهارك طول الليل صاحى وطول النهار نايم


    طبعاً ما حضرتش ولا محاضرة ولا سكشن , وطول اليوم صايع بره البيت .






    * مالكش دعوة بالسياسة .. وماتمشيش في مظاهرات .و امشي جمب الحيط






    * احمد ربنا الاكل الى مش عجبك ده فى ناس مش لاقياه .






    *والله لو منضفتيش الشقه ومسحتيها ما في نزول النهرده .






    * قومي سخني الأكل لأخوكي.






    * ابوكم كان دايم بيطلع الاول على الفصل... " لما كلهم كده امال مين الى بيطلع الاخير .






    |̲̅̅●̲̅̅|̲̅̅|̲̅̅●̲̅̅|̲̅̅=̲̅̅|̲̅̅●̲̅̅||̲̅̅●̲̅̅|̲̅̅=
    ̅ ̲̅|̲̅̅●̲̅̅||̲̅̅●̲̅̅|̲̅̅=̅ ̲̅|̲̅̅●̲̅̅||̲̅̅●̲̅̅|̲̅̅=̅
    ̲̅|̲̅̅●̲̅̅||̲̅̅●̲̅̅|̲̅̅|̲̅̅●̲̅̅|̲̅̅|̲̅̅●̲̅̅|̲̅ ̅=̅
    ̲̅|̲̅̅●̲̅̅||̲̅̅●̲̅̅|̲̅




    * ومن اشهر الجمل الى بتتقال كل يوم بعد الاكل :




    انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.








    * ( حضرتك راجع البيت متأخر و عاوز تتوه الموضوع وانت بتكلم مامتك )




    انت : ماما عاملة ايه مش عارف ليه حاسس انك وحشتيني يا ست الحبايب


    مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟



    avatar
    Yahia
    مشرف
    مشرف

    ذكر
    عدد الرسائل : 371
    العمر : 26
    المزاج : Good
    تاريخ التسجيل : 20/08/2008

    default رد: بعض المصطلحات اللتي نسمعها دائما

    مُساهمة من طرف Yahia في الأربعاء سبتمبر 01, 2010 1:44 pm

    ههههههههههههههههههههههههههههههههههه

    * مين منى دي انت كل يوم تصاحب واحدة جديدة ؟.

    دي بتتقلي كتير ههههههههههههههههههه
    avatar
    NO NAME
    مشرف
    مشرف

    ذكر
    عدد الرسائل : 810
    العمر : 27
    الموقع/shababgam3a.yoo7.com
    المزاج : الحمدلله
    تاريخ التسجيل : 17/10/2008

    default رد: بعض المصطلحات اللتي نسمعها دائما

    مُساهمة من طرف NO NAME في الأربعاء سبتمبر 01, 2010 2:40 pm

    ههههههههههههههههههههههه دة في جمل عندي في البيت بتتقال بالنص نورت يايحيي التوبيك



    avatar
    Yahia
    مشرف
    مشرف

    ذكر
    عدد الرسائل : 371
    العمر : 26
    المزاج : Good
    تاريخ التسجيل : 20/08/2008

    default رد: بعض المصطلحات اللتي نسمعها دائما

    مُساهمة من طرف Yahia في الأربعاء سبتمبر 01, 2010 3:12 pm

    وفي برضو جمل بتتكرر في كل بيت مصري و اكيد سمعناها كتير و احنا صغيرين


    وكلها كلمات تجنن مجهوله المصدر و المعني ومتوارثة مع الأجيال

    مثلا زي

    تشرب امبو.. اشيلك أوبح.. إديني أواا.. هضربك أأه.. سقف سوسة


    ..إلبس التاتا.. خلص بح.. نام ننة.. هم النم .. كاكا ااح ههههههههههههههه




    avatar
    NO NAME
    مشرف
    مشرف

    ذكر
    عدد الرسائل : 810
    العمر : 27
    الموقع/shababgam3a.yoo7.com
    المزاج : الحمدلله
    تاريخ التسجيل : 17/10/2008

    default رد: بعض المصطلحات اللتي نسمعها دائما

    مُساهمة من طرف NO NAME في الأربعاء سبتمبر 01, 2010 3:32 pm

    هههههههههههههههههههههههههههههه دة حنعملو في الموضوع اللي جاي ان شاء الله



    avatar
    تسنيم
    مشرف
    مشرف

    انثى
    عدد الرسائل : 997
    العمر : 26
    المزاج : الحمد لله
    تاريخ التسجيل : 02/08/2010

    default رد: بعض المصطلحات اللتي نسمعها دائما

    مُساهمة من طرف تسنيم في الأربعاء سبتمبر 01, 2010 5:14 pm

    ههههههههههههههههه
    حلوين اوى يااااااااا تيتو
    هههههههههههههههه
    على فكرة الولد دة شبهك اوى



    avatar
    NO NAME
    مشرف
    مشرف

    ذكر
    عدد الرسائل : 810
    العمر : 27
    الموقع/shababgam3a.yoo7.com
    المزاج : الحمدلله
    تاريخ التسجيل : 17/10/2008

    default رد: بعض المصطلحات اللتي نسمعها دائما

    مُساهمة من طرف NO NAME في الأربعاء سبتمبر 01, 2010 5:16 pm

    ميرسي ياتسنيم دة قموررررررررررررررر اوي



    avatar
    Yahia
    مشرف
    مشرف

    ذكر
    عدد الرسائل : 371
    العمر : 26
    المزاج : Good
    تاريخ التسجيل : 20/08/2008

    default رد: بعض المصطلحات اللتي نسمعها دائما

    مُساهمة من طرف Yahia في الأربعاء سبتمبر 01, 2010 6:05 pm

    ههههههههههههههه تصدق فيه شبه منك big_smile
    avatar
    تسنيم
    مشرف
    مشرف

    انثى
    عدد الرسائل : 997
    العمر : 26
    المزاج : الحمد لله
    تاريخ التسجيل : 02/08/2010

    default رد: بعض المصطلحات اللتي نسمعها دائما

    مُساهمة من طرف تسنيم في الأربعاء سبتمبر 01, 2010 11:26 pm

    هههههههههههههههه
    يخلق من الشبه 40




      الوقت/التاريخ الآن هو الأحد سبتمبر 24, 2017 3:31 am